Maliyyə menecmenti və mühasibat uçotu

Maliyyə və idarəetmə uçotunun təşkili

Məqsəd: Şirkətin maliyyə vəziyyətinin real şəkildə əks etdirilməsi və idarəetmə qərarlarının düzgün uçot məlumatları əsasında verilməsini təmin etmək.

 

 

Xidmətin tərkibi:

 

• Maliyyə uçotunun Beynəlxalq Mühasibat Standartlarına (IFRS) uyğun qurulması və ya mövcud uçotun təkmilləşdirilməsi
• Gəlir və xərclərin, aktiv və öhdəliklərin düzgün uçotunun aparılması
• İdarəetmə üçün daxili hesabatların (məsələn, xərc mərkəzləri, məhsul rentabelliyi, büdcə icrası və s.) hazırlanması
• Maliyyə hesabatlarının (balans, mənfəət-zərər, pul vəsaitlərinin hərəkəti və s.) hazırlanması
• Büdcələmə və faktiki göstəricilərin müqayisəli təhlili
• Daxili nəzarət və hesabatlılıq mexanizmlərinin yaradılması
• Rəhbərlik üçün qərarverməyə əsas verən analitik maliyyə məlumatlarının formalaşdırılması

Vergi uçotunun təşkili

Məqsəd: Vergi öhdəliklərinin qanunvericiliyə uyğun, düzgün və şəffaf şəkildə hesablanmasını, vergi risklərinin azaldılmasını və hesabatların düzgün hazırlanmasını təmin etmək.

 

Xidmətin tərkibi:

 

• Hüquqi şəxs və fərdi sahibkar üçün optimal vergi rejiminin müəyyən edilməsi
• Vergi uçotunun sıfırdan qurulması və ya mövcud uçot sisteminin təhlil edilərək təkmilləşdirilməsi
• Vergi qeydiyyatlarının və əməliyyatların düzgün aparılması
• Əməkhaqqı və digər gəlirlərin düzgün uçotu və vergiyə cəlb edilməsi
• ƏDV, mənfəət, sadələşdirilmiş vergi və digər vergi növlərinin düzgün hesablanması
• Elektron vergi bəyannamələrinin (ƏDV, mənfəət, DSMF və s.) hazırlanması və təqdim olunması
• Vergi orqanları ilə yazışmaların və yoxlamalara hazırlığın təşkili
• Qanunvericiliyə uyğunluğun yoxlanılması və tövsiyələrin verilməsi

 

Kadr uçotunun təşkili

Məqsəd: Şirkət daxilində insan resurslarının uçotunun Əmək Məcəlləsinə uyğun şəkildə aparılması, əmək münasibətlərinin sənədləşdirilməsi və kadr inzibatçılığının düzgün qurulması

 

Xidmətin tərkibi:

 

• İşçilərlə əmək müqavilələrinin hazırlanması və elektron qeydiyyat sistemində qeydiyyata alınması
• Əmək kitabçalarının, şəxsi işlərin və digər kadr sənədlərinin tərtibi və arxivləşdirilməsi
• Əmək haqqı, məzuniyyət, ezamiyyət, əmək qabiliyyətsizliyə görə müavinət və digər əməyə dair haqların düzgün uçotu
• Əmək intizamı, daxili nizam-intizam qaydaları, vəzifə təlimatlarının hazırlanması
• İşə qəbul, işdən azad etmə, vəzifə dəyişikliyi və digər kadr əməliyyatlarının hüquqi cəhətdən düzgün sənədləşdirilməsi
• Kadr uçot formalarının və hesabatlarının (statistik və s.) hazırlanması
• Mövcud kadr uçot sisteminin yoxlanılması və təkmilləşdirilməsi
• Strukturun düzgün qurulması və ştat cədvəlinin tərtib edilməsi

Yeni hüququ və fiziki şəxslərin dövlət qeydiyyatı və vergi uçotuna alınması

Məqsəd: Sahibkarlıq fəaliyyətinə başlamaq istəyən fiziki və hüquqi şəxslərin qanunvericiliyə uyğun şəkildə dövlət qeydiyyatına alınması və vergi uçotuna düzgün şəkildə daxil edilməsini təmin etmək

 

Xidmətin tərkibi:

 

• Hüquqi və ya fiziki şəxs (MMC, ASC, fərdi sahibkar və s.) üçün uyğun təşkilati-hüquqi formanın müəyyən edilməsi
• Onlayn və ya kağız daşıyıcı ilə dövlət qeydiyyatının həyata keçirilməsi
• VÖEN (vergi ödəyicisinin eyniləşdirmə nömrəsi) alınması və vergi uçotuna daxil edilmə
• ƏDV könüllü qeydiyyatı, kassa aparatlarının qeydiyyatı və digər vergi prosedurlarının təşkili
• DSMF (sosial sığorta), statistika və digər aidiyyəti orqanlar üzrə qeydiyyat
• Nizamnamə və digər hüquqi sənədlərin hazırlanması və təqdimatı
• Yeni yaradılmış qurumun maliyyə və vergi baxımından fəaliyyətə hazır vəziyyətə gətirilməsi